Zaur_Dayı (9 Yanvar 2019 Saat 22:00)
Dostum gece gunduz axsa goz yaşin,,Dünyaya şər-böhtan atmaqdan daşın.
Ayaqı altını görməyən başın,
Naqis kəmalına dünya neyləsin?!
Naqis kəmalına dünya neyləsin?!

Zaur_Dayı (9 Yanvar 2019 Saat 21:58)
Bəzisi vəhşidən seçilmir qəti,
Çapıb –talamaqdır yalnız niyyəti,
Kasıbın yeməyə yoxdursa əti,
Bu bədiqbalına dünya neyləsin?!
Birində əl əyri,dil əyridirsə,
Yaltaqlıq eləyib yalan deyirsə,
Əlinə keçəni basıb yeyirsə,
Yığdığı malına dünya neyləsin?!
Dünya bir məkandır yaşamaq üçün,
Həm ağıllı üçün, həm axmaq üçün.
Kimlərsə can atır keyf -damaq üçün,
Sənin məlalına dünya neyləsin?!

Zaur_Dayı (9 Yanvar 2019 Saat 21:54)
Bu yurda gələnlər gəlir tamahkar,
Buradan gedəndə gedir günahkar.
Nə xislət istəsən insanlarda var,
Haram-halalına dünya neyləsin?!
Onun dövləti çox olsa da, amma
Özü bir şey verməz heç bir adama,
Əkib-becərənlər çatdılar kama,
Gönləri qalına dünya neyləsin?!
Adam var almaqdır ancaq vərdişi,
Verməklə qətiyyən yox onun işi.
Yüz il də yaşasa düzəlməz, əşi
Onun vəbalına dünya neyləsin?!
Biri üzə bilmir, batır dəryada,
Qeyrisi özünü tullayır oda.
Birisi çörəyə möhtacdır, ya da
Cah –cəlalına dünya neyləsin?!