Unut məni dedim sənə,
Birdəfəlik sil yadından.
Sanma ötən günlər dönə,
Çıxar məni həyatından!
Sənsiz dərdə,qəmə batdım,
Şərbətimə zəhər qatdım,
Şəklimizi cırıb atdım,
Çıxar məni həyatından!
Eşqi bəla sanmayırdıq,
Eşqimizi danmayırdıq,
Uşaq idik qanmayırdıq,
Çıxar məni həyatından!
Ötən günlər dönməz geri,
Köz üstəyəm diri-diri,
Sus!
Danışma!
Dinmə!
Kiri!
Çıxar məni həyatından!
Gəl üzməyək özümüzü,
Kor etməyək gözümüzü,
Qızartmayaq üzümüzü,
Çıxar məni həyatından!
Çıxar məni həyatından!

Şərh yazan hələ ki, olmayıb. İlk yazan sən ol.