Acılar yaxanı tutacaq bir gün,
Lənət olsun bu sevgiyə deyərsən.
Məni sevdiyin günə qarğış edib,
Bizdən gələn xeyiri də söyərsən.
Hələ ki,bilmirsən həsrət çəkməyi,
Bir gün sənin qapını da döyəcək.
Heç xoş gəlməyəcək,bu həsrət sənə,
Xoş gəlmişəm,xoş görmürəm deyəcək.
Mən yaxşı bilirəm,nə çəkəcəksən,
Bükərsən boynunu,bükdüyüm kimi.
Çıxarıb qəlbini,sökərsən sən də,
Bir zamanlar mənim,sökdüyüm kimi.

Şərh yazan hələ ki, olmayıb. İlk yazan sən ol.