Zaur_Dayı (23 Fevral 2019 Saat 16:10)
Hədisi-qüdsidə buyurulur ki, Allah-Taala Həzrət Muhəmməd Peyğəmbərə (s) vəhy etdi: “Mən sənin ümmətinə öz ərşimdəki xəzinələrdən bir xəzinə – Fatihətül-Kitab əta etdim!” (yux. mənbə, hədis 5).
İmam Cəfər Sadiq (a) Fatihə surəsinin möcüzəvi xüsusiyyətlərini bu cür vəsf edirdi: “Əgər meyitə yetmiş dəfə Həmd surəsi oxunsa və meyitin ruhu qayıdıb dirilsə, təəccüb etmərəm!” (yux. mənbə, hədis 8).
Bir gun İmam Cəfər Sadiq (a) Əbu Hənifədən soruşdu: “O hansı surədir ki, əvvəli həmd, ortası ixlas, sonu duadan ibarətdir?” Əbu Hənifə cavab verə bilmadi. Onda İmam özü sualın cavabını buyurdu: “Bu, Fatihə surəsidir” (“Təfsiri Əyyaşi”, 1-ci cild, səh. 19, hədis 2).

Zaur_Dayı (23 Fevral 2019 Saat 15:49)
İmam Həsən (a) rəvayət edib ki, bir yəhudi alimi Həzrət Muhəm¬məd Peyğəmbərin (s) yanına gəlib ona sualları olduğunu söylədi. Yəhudi soruşdu: “O hansı yeddi xüsusiyyətdir ki, Allah yalnız sənə əta edib, keçmiş peyğəmbərlərə yox və yalnız sənin ümmətinə əta edib, keçmiş peyğəmbərlərin ümmətinə yox?” Peyğəmbər (s) həmin yeddi sifəti bir-bir saydı, sifətlərdən birini belə izah etdi: “Allah mənə Fatihətül-Kitab əta edib”. Yəhudi təsdiq etdi: “Bəli, ya Muhəmməd, düz dedin! Bəs, Fatihəni oxuyanın savabı nədir?” Peyğəmbər (s) buyurdu: “Kim Fatihəni oxusa, Allah ona bütün nazil olmuş ayələri oxuyan şəxsin savabı qədər savab verər” (“Nurüs-səqəleyn” təfsiri, Fatihə, hədis 4).