Həyat iksiri
Allahı zikr etmək dirilik suyudur. Davamlı olaraq zikr etmək insanın can və ruhunu yaşıl çöllüklər kimi canlandırır. Allahı zikr etməyi tərk etmək isə insanın ilahi vilayətdən xaric olmasına səbəb olur və şeytan ona nüfuz edir. Şeytan insanın vücuduna nüfuz etdikdə onun qəlbini qurumuş çöllüyə çevirməyincə əl çəkmir.
Allahı zikr etmək kamil şəkildə gerçəkləşsə, insana sağlam təfəkkür bağışlayır və onun üçün hərəkət gətirir.
Ona görə də Mütəal Allah ağıl sahiblərini vəsf etdikdə əvvəl onları zikr əhli, sonra təfəkkür əhli kimi tanıdır.
“Ağıl sahibləri o kəslərdir ki, ayaq üstə olanda da, oturanda da, uzananda da Allahı xatırlar, göylərin və yerin yaradılması haqqında düşünər (və deyərlər): “Ey Rəbbimiz! Sən bunları boş yerə yaratmamısan! Sən pak və müqəddəssən! Bizi cəhənnəm odunun əzabından (Özün) qoru!” (“Ali-İmran” surəsi, ayə 191)
Yaradıldı: 11 Fevral 2019 Saat 16:01
Reytinq: 4
[ 1] [ 0]
Zaur_Dayı (11 Fevral 2019 Saat 16:07)
İnsanın qəlbi Allahı yad etdikdə, fikri də yüksəlir və insan düşüncə sahibi olur.
Allah zikrinin günəşi insanın can tarlasına saçdıqda fikri qaranlıq və depressiya aradan qalxır. Amma insan Allahı zikr etməyi tərk etdikdə qəlbi bərkiyir və nəticədə onun fikir və düşüncəsi bohrana, depressiyaya düşür. Mütəal Allah həzrət Musaya (ə) buyurdu:
“Ey Musa! Heç bir halda Məni zikr etməyi tərk etmə. Çünki Məni zikr etməyi tərk etmək qəlbləri bərkidir.” (“Kafi”, c. 2, səh. 497)
İnsan Allahı yad etməkdən qafil olduqda, qəlbi quru və əkinə yararsız çöllüyə çevrilir, beləliklə ondan heç bir sağlam fikir və saleh əməl baş vermir. Qiyamət günü də vücudunun həqiqəti həmin quru və şoran çöllüklər şəklində təməssül edəcək, hər nə qədər o çöllükdə qaçsa da həyat çeşməsinə çata bilməyəcək, teşnəlik və çarəsizlikdən başqa bir şey ona nəsib olmayacaq.