Zaur_Dayı (19 Dekabr 2018 Saat 21:54)
Sən, kinlə, həsədlə olacaqsan nəyə nail?
Bir yolda ki, yox fayidə, olma ona mail,
Azğınlığıvı artırıb eylər səni qatil,
Gör Habilə nə zülm elədi qardaşı Qabil,
Çox ailədə oldu səbəb qanə paxıllıq.
Məqsəd sənə xidmətdi cahanə gəlişindən,
Ətraf ola ta ki, mütəəssir gedişindən,
Alçaqlar üçün düşmə uzaq yüksəlişindən,
Əmri, sənə xidmət qalacaq, qalma işindən,
Olmuş, olacaq yaxşı qəzəlxanə paxıllıq!
Zaur_Dayı (19 Dekabr 2018 Saat 21:46)
Bir qəl`ədi cismin, ona hər dəm nəzər eylə,
Düşməndən onu hifz eləməkçün hünər eylə,
Öz nəfsivi əqlin qapısında nökər eylə,
Qərq eyləyər axır səni, ondan həzər eylə,
Bənzər dəli tufanlı bir ümmanə paxıllıq.
Haqqın nəzərində kiçilər əhdə dönüklər,
Sadiqlik ilə daimilik tapdı böyüklər,
Saflıq nədi dərk eyləməz əxlaqı çürüklər,
Ahəstəcə öz sahibini məhvə sürüklər,
Təhrik eləməklə onu üsyanə paxıllıq.
İblisə aman vermə müsəllət ola qəlbə,
Yol vermə ki, məkr ilə ləin yol bula qəlbə,
İnsan gərək hər ləhzə nəzarət qıla qəlbə,
Əqli sipər et, qoyma bu ox sancıla qəlbə,
Tainki səni etməyə divanə paxıllıq.