| Blog - Mehebbet Olan Yerde |
Məhəbbət olan yerdə
23/11/2014 19:35
Ocaq sönüb kül olmaz,
Ay tələsib il olmaz.
Ömür əzazil olmaz
Ürək düşərmi dərdə
Məhəbbət olan yerdə.
Könül açar yara-yar,
Çiçəklənər arzular.
Bar gətirər xan çinar
Dinər söz də,şeir də
Məhəbbət olan yerdə
Qara saçda dən olmaz,
Tökülüb dən-dən olmaz
Şərin üzü şən olmaz
Yaxın düşməz kədər də,
Məhəbbət olan yerdə.
Əhdi peyman düz olsa,
Təmiz ürək,söz olsa.
Dost bir deyil,yüz olsa
Baş əymərik namərdə,
Məhəbbət olan yerdə.
Yaradıldı: 5 Iyul 2018 Saat 14:16
Reytinq: 13
[ 0] [ 0]
Şərh yazan hələ ki, olmayıb. İlk yazan sən ol.