N ə hiss etdin?
Xəyanatin qucağına
Bir gecəlik atılarkən.
Var-dövlətə susayaraq,
Göykağıza satılarkən.
Adiləşmiş qadınların
Sırasına qatılarkən.
Az da olsa üşənmədin?
Məni heçmi düşünmədin...?!
Nə hiss etdin
Nə hiss etdin bir anlıq həzz
Səni səndən aparanda,
Ətəyindən çəkə-çəkə
Məni səndən qoparanda.
Xatirələr gözlərində,
Suluq verib qabaranda...
Az da olsa üşənmədin?
Məni heçmi düşünmədin...?!
Nə hiss etdin
N ə hiss etdin?
Tapdalanmış o vicdanın
Dillənəndə ağır-ağır.
Baxışların bir nöqtəyə
Zillənəndə fağır-fağır.
Utancından yanaqların
Allananda əvvəl-axır...
Az da olsa üşənmədin?
heçmi düşünmədin...?!