Bu qışı bir yola verək
Bu yaz unudaram səni.
Qorxutmasa məni soyuq
Ayaz, unudaram səni.
Daha sevmək yaşım keçib.
Tale məni fağır seçib,
Gecələri bir az içib,
Bir az unudaram səni
İndi sənə ağır gələr,
Ayrılıq bağrını dələr
Mənə çoxdu bu işvələr
Bu naz, unudaram səni
Ayrılıq qismətin olar
Sözdü , ,,sevən mətin olar,,
Birdən-birə çətin olar
Az-az unudaram səni.

Şərh yazan hələ ki, olmayıb. İlk yazan sən ol.