Mövzu: Köksümdə ürəyi talayıb getdin,
Xezani sovuran küləklər kimi.
Bir bahar aşmışdın bir payız bitdin,
Qurumuş məhv olmuş çiçəklər kimi.
Kimi
Susdun! nə danışdın nə dəki dindin,
Bu qədər zamanı bir anda sildin.
Unutdun sən məni unuda bildin,
Kitablar içində ləçəklər kimi.
Kimi
Zamandan ayrısan zamansızım get,
Məni talan edən amansızım get.
Ümüdlər yox oldu gümansızım get,
Ümüdsüz ağlayan diləkler kimi.
Kimi
Könüldən ürəkdən qərib düşdün sən,
Səfasız cəfalı ömür sürdüm mən.
Səbəbsiz xəbərsiz getdin ömürdən,
Bəzeə itirdiyim gərəklər kimi.
Kimi
Düşünmə yaşadım,yaşatdım səni!!!
Sözümdə gözümdə yaratdım səni.
Zirvətək könlümdə ucaltdım səni,
Sevərək çağlayan ürəklər kimi.