Mövzu: İlk oyun günündə 3 oyun keçirilib. Əsas diqqətlər Gəncə və Sumqayıta yönəlib. “Neftçi” səfərdə “Kəpəz”in qonağı olub və 2:1 hesabı ilə qalib gələrək 3-cü yeri, eyni zamanda Avroliqaya vəsiqəni təmin edib.
Sumqayıtda eyniadlı komanda “Zirə”ni qəbul edib. Gərgin keçən oyun qonaqların 1:2 hesablı qələbəsi il yekunlaşıb. Bununla da "Zirə" çempionatı 4-cü yerdə başa vurub. Əgər Azərbaycan kubokunun finalında Qəbələ-Keşlə yə qalib gələrsə, bu halda Zirə Avroliqada iştirak edəcək. Əks halda kubokun sahibi kimi Avropa Liqasına Keşlə gedəcək.
Digər matçda isə “Səbail” “Keşlə”ni sınağa çəkib və 0:1 hesabı ilə uduzub.
Qeyd edək ki, mövsümə sabah keçiriləcək “Qəbələ” - “Qarabağ” matçı ilə yekun vurulacaq. Paytaxtda oynanılacaq bu görüşdən sonra Peşəkar Futbol Liqası ilk üçlüyün sahiblərinə medalları təqdim edəcək.